ओसाका, जापान — जापानमा सक्रिय संस्था ‘हाम्रो दृष्टि राम्रो दृष्टि जापान’ र ‘सेवा भजन’ को आयोजनामा आज, जुलाई २५, २०२६ शनिबार ओसाकामा नेपाली भजन कार्यक्रम ‘ओसाका भजन साँझ’ आयोजना हुने भएको छ।
कार्यक्रममा गायक सूर्य खड्काको विशेष सांगीतिक प्रस्तुति रहने आयोजकले जनाएको छ। भजन तथा भक्तिसंगीतमार्फत नेपाली समुदायलाई एकताबद्ध गर्दै सेवा, सत्संग, प्रेम र आध्यात्मिक सद्भावको सन्देश प्रवाह गर्ने उद्देश्यले कार्यक्रम आयोजना गरिएको हो।
ओसाकाको 大阪祭典なにわ区民ホール（浪速区民センター） मा हुने कार्यक्रम साँझ ५:४५ बजेदेखि सुरु हुनेछ। कार्यक्रममा प्रवेश निःशुल्क रहेको छ।
आयोजकका अनुसार कार्यक्रममा नेपाली भजन तथा भक्तिसंगीतसँगै सेवा, सत्संग र प्रेमको सन्देशसमेत प्रस्तुत गरिनेछ। विशेषगरी गायक सूर्य खड्काको उपस्थितिले कार्यक्रमलाई थप सांगीतिक र आकर्षक बनाउने अपेक्षा गरिएको छ।
कार्यक्रममा परिवार, आफन्त तथा साथीभाइसहित सहभागी भई भजन–कीर्तनलाई भव्य र सफल बनाउन आयोजकले जापानवासी नेपाली समुदायलाई आग्रह गरेको छ। कार्यक्रममा सबै उमेर समूहका व्यक्तिहरू सहभागी हुन सक्नेछन्।
आयोजकले भजनलाई धार्मिक प्रस्तुतिमा मात्र सीमित नराखी सेवा, सत्संग र प्रेमसँग जोडेर नेपाली समुदायमा आपसी आत्मीयता, सद्भाव र सकारात्मक सन्देश फैलाउने माध्यमका रूपमा कार्यक्रम आयोजना गरिएको जनाएको छ।
कार्यक्रमसम्बन्धी थप जानकारीका लागि विपिन घिमिरे (090-8372-1165) र रविन देवकोटा (080-4300-1561) सँग सम्पर्क गर्न सकिने आयोजकले जनाएको छ।
