हेर्ने खबर/रोल्पा रोल्पा त्रिवेणी गाउँपालिकामा योजना कार्यन्वयन बिषयलाई लिएर जनप्रतिनिधिहरु बिचमा बिबाद सिर्जना भएको छ। वडा नं. ७ का वडाध्यक्ष भान बहादुर घर्ति मगरले गाउँपालिका अध्यक्ष कर्ण बहादुर बाँठामगर र प्रमुख प्रशासकीय अधिकृत निमराज भट्टराईले पुर्बाग्राही साँधेर ७ नम्बर वडाका योजना कार्यान्वयनमा प्रभाबित भएको आरोप लगाएका छन।
नेकपा एमालेको प्रतिनिधिबाट वडाध्यक्षमा बिजय भएका घर्ति मगरले आफ्नो फेसबुक वालमा लेख्छन, कामै नगरी तलब भत्ता खान पाउनुपर्छ, भनसुनले खाएको जागिर जोगाईराख्नु पर्छ, भन्ने मानसिकताले ७ न. वडालाई वेवास्ता गरेको गम्भीर आरोप लगाएका छन।
वडाध्यक्षले प्राविधिकहरु प्रति ध्यानाकर्षण भएको जनाउदै भनेका छन् ‘प्राविधिकले जनताको काममा भन्दा सेवा सुबिधाको बार्गनिङ गर्दै राजिनामा नाटक गरेको भन्ने सुन्नमा आयो तर हिजोको मिटिङमा मैले कुरो राख्दासम्म अध्यक्ष बोलेनन हाकिम बोलेनन। मिटिङ पछाडि प्राबिधिकको टोलि अध्यक्षको कार्यक्षमा गएर मेरो विरुद्धमा गलत आरोप लगाएको भन्ने कुराले मेरो गम्भीर ध्यानाकर्षण भएको छ।
भनसुनले खाएको करारको जागिर जाला भन्ने डरले हतार हतार राजिनामा फिर्ता ल्याएर अब ७ न. बाहेकको काम गर्छौ भन्नू कति निच सोच छ, उनले थप आरोप लगाएका छन्।
करारको जागिर खाने अनि करारको प्राबिधिक भन्न नपाइने ड्राइभरको जागिर खाने ड्राइभर भन्न नपाइने कस्तो बिडम्बना हो यो? उनले प्रश्न गरेका छन।
वडाध्यक्ष घर्तिको कारण पालिकामा हुने अनियमितता गर्न नपाएको भन्ने लजास्पद भएको उनको दावी रहेको छ। यसरी उनको भनाईलाई हेर्दा पालिकामा सेटिंग मै अनियमितता हुनेगरेको बुझिएको छ।
पालिकामा हुनेगरेको अनियमितताको प्रमाण आफुसंग भएको समेत वडाध्यक्ष घर्तिले दावी गर्दै आग्रह-पुर्बाहग्रहद्वारा योजना कार्यन्वयन नहुने हो भने अब ७ नम्बर बासि जनताले त्यसको जबाफ दिने चेतावनी दिएका छन।
रोल्पाको त्रिबेणी गाउँपालिकामा नेकपा एमालेको प्रतिनिधिबाट अध्यक्ष कर्ण बहादुर बाँठा निर्बाचित भएका थिए। आफ्नै पार्टीबाट निर्बाचित जनप्रतिनिधिहरुको जुहारी चलिरहेको छ।
